Wee, sleekit, cowrin, tim'rous beastie,
Oh what a panic's in thy breastie!
Thou need na start awa sae hasty,
Wi' bickering brattle!
I wad be laith to rin an' chase thee,
wi' murd'ring prattle!
I'm truly sorry man's dominion,
Has broken natures social union,
An' justifies that ill opinion,
Which makes thee startle,
At me, thy poor, earth-born companion,
An' fellow-mortal.
I doubt na, whiles that thou may thieve,
What then? poor beastie, thou maun live!
A daimen icker in a thave
'S a sma' request;
I'll get a blessing wi' the lave,
An' never miss't
Thy wee bit housie, too in ruin!
It's silly wa's the win's are strewin !
An' naethinng, now, to big a new ane,
O' foggage green !
An' bleak December winds ensuin,
Baith snell an' keen !
Thou saw the fields laid bare an' waste,
An' weary winter comin fast,
An' cozie here beneath the blast,
Thou thought to dwell-
Till Crash ! the cruel coulter past
Out thro' thy cell.
That wee bit heap o' leaves an' stibble
Has cost thee mony a weary nibble !
Now thou's turn'd out, for a' thy trouble,
But house or hald,
To thole the winter's sleety dribble,
An' cranreuch cauld !
But Mousie, thou art no thy lane,
In proving foresight may be vain;
The best-laid schemes o' mice an' men
Gang aft agley,
An' leave us nought but grief an' pain,
For promis'd joy
Still thou are blest, compar'd wi' me;
The present only toucheth thee:
But och ! I backward cast my e'e,
On prospects drear !
An' forward tho' i canna see,
I guess an' fear !
Thanks for visiting DataSure's Web Pages. As the pages are developed further we hope to provide more, so please bear with us during the ongoing development process.
For more information on DataSure Services's products and services, please send e-mail to mackinnn@islandnet.com phone us at ( 604) 598-6831, 800-598-6831, or FAX your request to (604) 598-6841. If you have problems or comments concerning our WWW service, please send e-mail to the above address.
This page has been accessed times.
Victoria, B.C. local time is Friday, 03-Sep-2010 13:48:59 PDT
This page last modified Thursday, 15-Nov-2001 17:06:50 PST
This page, and all contents, are Copyright (C) 1995 by DataSure Services , Victoria, Canada.